ﺗﺠﮫ ﺳﮯ ﺷﮑﻮﮦ ﻧﮧ ﮐﻮﺋﯽ ﺭﻧﺞ ﮨﮯ ﺗﻨﮩﺎﺋﯽ ﮐﺎ
ﺗﺠﮫ ﺳﮯ ﺷﮑﻮﮦ ﻧﮧ ﮐﻮﺋﯽ ﺭﻧﺞ ﮨﮯ ﺗﻨﮩﺎﺋﯽ ﮐﺎ
ﺗﮭﺎ ﻣﺠﮭﮯ ﺷﻮﻕ ﺑﮩﺖ ﺍﻧﺠﻤﻦ ﺁﺭﺍﺋﯽ ﮐﺎ
ﮐﭽﮫ ﺗﻮ ﺁﺷﻮﺏ ﮨﻮﺍ ﺍﻭﺭ ﮨﻮﺱ ﮐﯽ ﮨﮯ ﺷﮑﺎﺭ
ﺍﻭﺭ ﮐﭽﮫ ﮐﺎﻡ ﺑﮍﮬﺎ ﮨﮯ ﻣﺮﯼ ﺑﯿﻨﺎﺋﯽ ﮐﺎ
ﺁﺋﯽ ﭘﮭﺮ ﻧﺎﻓۂ ﺍﻣﺮﻭﺯ ﺳﮯ ﺧﻮﺷﺒﻮﺋﮯ ﻭﺻﺎﻝ
ﮐﮭﻞ ﮔﯿﺎ ﭘﮭﺮ ﮐﻮﺋﯽ ﺩﺭ ﺑﻨﺪ ﭘﺬﯾﺮﺍﺋﯽ ﮐﺎ
ﻣﯿﮟ ﻧﮯ ﭘﻮﺷﯿﺪﮦ ﺑﮭﯽ ﮐﺮ ﺭﮐﮭﺎ ﮨﮯ ﺩﺭ ﭘﺮﺩۂ ﺷﻌﺮ
ﺍﻭﺭ ﺑﮭﺮﻡ ﮐﮭﻞ ﺑﮭﯽ ﮔﯿﺎ ﮨﮯ ﻣﺮﯼ ﺩﺍﻧﺎﺋﯽ ﮐﺎ
ﯾﻌﻨﯽ ﺍﺱ ﺑﺎﺭ ﺑﮭﯽ ﻭﮦ ﺧﺎﮎ ﺍﮌﯼ ﮨﮯ ﮐﮧ ﻣﺠﮭﮯ
ﺍﯾﮏ ﮐﮭﭩﮑﺎ ﺳﺎ ﻟﮕﺎ ﺭﮨﺘﺎ ﮨﮯ ﺭﺳﻮﺍﺋﯽ کا
ﺷﺎﻋﺮﯼ ﮐﺎﻡ ﮨﮯ ﻣﯿﺮﺍ ﺳﻮ ﻣﯿﮟ ﮐﮩﺘﺎ ﮨﻮﮞ ﻏﺰﻝ
ﯾﮧ ﻋﺒﺚ ﺷﻮﻕ ﻧﮩﯿﮟ ﻗﺎﻓﯿﮧ ﭘﯿﻤﺎﺋﯽ ﮐﺎ
مہتاب حیدر نقوی
Comments
Post a Comment