بے جا نوازشات کا بار گراں نہیں

بے جا نوازشات کا بارِ گراں نہیں
میں خوُش ھُوں اِس لیے کہ کوئی مہرباں نہیں
آغوشِ حادثات میں پائی ھے پرورش
جو بَرق پُھونک دے وہ مِرا آشیاں نہیں
کیوں ھنس رھے ھیں راہ کی دُشواریوں پہ لوگ؟
ھُوں بے وطن ضرور مگر بے نشاں نہیں
گھبرائیے نہ گردشِ ایّام سے ھنوُز
ترتیبِ فصلِ گُل ھے یہ دَورِ خزاں نہیں
کچھ بَرق سوز تِنکے مجھے چاھئیں شکیب!
جُھک جائیں گُل کے بار سے وہ ڈالیاں نہیں

شکیب جلالی