تیرا پِنڈا پوری تُوت دی

تیرا پِنڈا پوری تُوت دی
تیری لگراں ورگی بانہہ
تیرے بُلھ نے پُھل کریر دے
تیرا جوبن ون دی چھاں
ایہہ چَھاواں سَدا نہ رھنیاں
رھے سدا اُس دا ناں
اَسیں رب سببی گوریے
اج آ گئے اِس گراں
َاساں جھٹ دوپہر گزارنی
اساں بوھتا نیئں پڑاں
اساں پَنڈ نہ پانے جوگیاں
اساں مَل نہ بہنڑیں تھاں
کِس پَکے پاکے بیٹھنا
اے دنیا اِک سَراں
تیرے جوبن وانگوں گوریے
َاساں کَل مسافر ھاں

شریف کنجاہی