میری زندگی پہ نہ مسکرا مجھے زندگی کا الم نہیں

میری زندگی پہ نہ مسکرا مجھے زندگی کا الم نہیں
جسے تیرے غم سے ھو واسطہ, وہ خزاں بہار سے کم نہیں
مرا کفر حاصل زھد ھے, میرا زھد حاصل کفر ھے
میری بندگی ھے وہ بندگی جو رھینِ دیرو حرم نہیں
وہی کارواں وہی راستے وہی زندگی وہی مرحلے
مگر اپنے اپنے مقام پر کبھی ھم نہیں کبھی تم نہیں
نہ نشانِ جبرو شباب ھے, نہ وہ رنگِ قہرو عتاب ھے
دلِ بیقرار پہ ان دنوں ہے ستم یہی کہ ستم نہیں
نہ فنا میری نہ بقاء میری مجھے اے شکیل نہ ڈھونڈیے
میں کسی کا حسن ِ خیال ھوں مرا کچھ وجود و عدم نہیں
شکیل بدیوانی بدایونی