دنیا کے جور پر نہ ترے التفات پر ​

دنیا کے جور پر نہ ترے التفات پر ​

میں غور کر رہا ہوں کسی اور بات پر ​

دیکھا ہے مسکرا کے جو اس مہ جبیں نے ​

جوبن سا آ گیا ہے ذرا واقعات پر ​

 دیتے ہیں حکم خود ہی مجھے بولنے کا آپ ​

پھر ٹوکتے ہیں آپ مجھے بات بات پر ​

میں جانتا تھا تم بڑے سفاک ہو، مگر ​

انسان کو اختیار نہیں حادثات پر ​

جینا ہے چار روز تو اے صاحبِ خرد ​

گہری نظر نہ ڈال فریبِ حیات پر ​

ایسی حسین باتیں ہوئی بھی ہیں سچ کبھی ​

میں کس طرح یقین کروں تیری بات پر ​

عبدالحمید عدم​ؔ