لفظ آنسو پر اشعار

اک آنسو کہہ گیا سب حال دل کا

میں سمجھا تھا یہ ظالم بے زباں ہے

خمار بارہ بنکوی

۔۔۔۔

ویسے تو اک آنسو ہی بہا کر مجھے لے جائے 

ایسے کوئی طوفان ہلا بھی نہیں سکتا

وسیم بریلوی

  ۔۔۔۔۔

وہ عکس بن کے مری چشم تر میں رہتا ہے 

عجیب شخص ہے پانی کے گھر میں رہتا ہے

بسمل صابری

۔۔۔۔

ایک آنسو نے ڈبویا مجھ کو ان کی بزم میں 

بوند بھر پانی سے ساری آبرو پانی ہوئی

شیخ ابراہیم ذوقؔ

۔۔۔۔

رونے والے تجھے رونے کا سلیقہ ہی نہیں 

اشک پینے کے لیے ہیں کہ بہانے کے لیے

آنند نرائن ملا

آنکھوں سے آنسوؤں کے مراسم پرانے ہیں

مہماں یہ گھر میں آئیں تو چبھتا نہیں دھواں

گلزار 

.......

آنسو ہمارے گر گئے ان کی نگاہ سے

ان موتیوں کی اب کوئی قیمت نہیں رہی

جلیلؔ مانک پوری

.......

آنسو مری آنکھوں میں ہیں نالے مرے لب پر

سودا مرے سر میں ہے تمنا مرے دل میں

بیخود بدایونی

۔۔۔۔

ایک آنسو بھی حکومت کے لیے خطرہ ہے 

تم نے دیکھا نہیں آنکھوں کا سمندر ہونا

منور رانا

  

۔۔۔۔۔۔۔۔

مدت کے بعد اس نے جو کی لطف کی نگاہ 

جی خوش تو ہو گیا مگر آنسو نکل پڑے

کیفی اعظمی

۔۔۔۔۔

  

ان کے رخسار پہ ڈھلکے ہوئے آنسو توبہ 

میں نے شبنم کو بھی شعلوں پہ مچلتے دیکھا

ساحر لدھیانوی

۔۔۔۔۔۔

شبنم کے آنسو پھول پر یہ تو وہی قصہ ہوا 

آنکھیں مری بھیگی ہوئی چہرہ ترا اترا ہوا

بشیر بدر

  

۔۔۔۔۔۔۔

اس قدر رویا ہوں تیری یاد میں 

آئینے آنکھوں کے دھندلے ہو گئے

ناصر کاظمی

  ۔۔۔۔۔

حسیں تیری آنکھیں حسیں تیرے آنسو 

یہیں ڈوب جانے کو جی چاہتا ہے

جگر مراد آبادی

۔۔۔۔

تھمتے تھمتے تھمیں گے آنسو 

رونا ہے کچھ ہنسی نہیں ہے

بدھ سنگھ قلندر

۔۔۔۔

آنکھ کمبخت سے اس بزم میں آنسو نہ رکا

ایک قطرے نے ڈبویا مجھے دریا ہو کر

حفیظ جالندھری

.......

آلودہ بہ خوں چشم سے ٹپکے ہے جو آنسو

سب کہتے ہیں حیرت سے یہ موتی ہے کہ مونگا

جرأت قلندر بخش

......

آرزو حسرت اور امید شکایت آنسو

اک ترا ذکر تھا اور بیچ میں کیا کیا نکلا

سرور عالم راز

.....

بہتا آنسو ایک جھلک میں کتنے روپ دکھائے گا

آنکھ سے ہو کر گال بھگو کر مٹی میں مل جائے گا

احمد مشتاق

.....

دم رخصت وہ چپ رہے عابدؔ

آنکھ میں پھیلتا گیا کاجل

سید عابد علی عابد

۔۔۔۔

پھر مری آنکھ ہو گئی نمناک 

پھر کسی نے مزاج پوچھا ہے

اسرار الحق مجاز

۔۔۔۔۔۔۔  

آرزو حسرت اور امید شکایت آنسو 

اک ترا ذکر تھا اور بیچ میں کیا کیا نکلا

سرور عالم راز

  

۔۔۔۔۔۔

پلکوں کی حد کو توڑ کے دامن پہ آ گرا 

اک اشک میرے صبر کی توہین کر گیا

نامعلوم

۔۔۔۔

تھمے آنسو تو پھر تم شوق سے گھر کو چلے جانا 

کہاں جاتے ہو اس طوفان میں پانی ذرا ٹھہرے

لالہ مادھو رام جوہر

۔۔۔۔۔۔۔۔

روز اچھے نہیں لگتے آنسو 

خاص موقعوں پہ مزا دیتے ہیں

محمد علوی

۔۔۔۔۔۔۔

  

مری روح کی حقیقت مرے آنسوؤں سے پوچھو 

مرا مجلسی تبسم مرا ترجماں نہیں ہے

مصطفی زیدی

  ۔۔۔۔۔۔

مرے اشک بھی ہیں اس میں یہ شراب ابل نہ جائے 

مرا جام چھونے والے ترا ہاتھ جل نہ جائے

انور مرزاپوری

  

۔۔۔۔۔۔

بہتا آنسو ایک جھلک میں کتنے روپ دکھائے گا 

آنکھ سے ہو کر گال بھگو کر مٹی میں مل جائے گا

احمد مشتاق

  ۔۔۔۔۔۔۔

اداس آنکھوں سے آنسو نہیں نکلتے ہیں 

یہ موتیوں کی طرح سیپیوں میں پلتے ہیں

بشیر بدر

  

۔۔۔۔۔۔۔

میں رونا چاہتا ہوں خوب رونا چاہتا ہوں میں 

پھر اس کے بعد گہری نیند سونا چاہتا ہوں میں

فرحت احساس

  

۔۔۔۔۔

لگی رہتی ہے اشکوں کی جھڑی گرمی ہو سردی ہو 

نہیں رکتی کبھی برسات جب سے تم نہیں آئے

انور شعور

۔۔۔۔

ناصح نے میرا حال جو مجھ سے بیاں کیا

آنسو ٹپک پڑے مرے بے اختیار آج

داغؔ دہلوی

.....

سمجھتا ہوں سبب کافر ترے آنسو نکلنے کا

دھواں لگتا ہے آنکھوں میں کسی کے دل کے جلنے کا

امیر مینائی

۔۔۔۔

اشک غم دیدۂ پر نم سے سنبھالے نہ گئے 

یہ وہ بچے ہیں جو ماں باپ سے پالے نہ گئے

میر انیس

۔۔۔۔۔۔

اب اپنے چہرے پر دو پتھر سے سجائے پھرتا ہوں 

آنسو لے کر بیچ دیا ہے آنکھوں کی بینائی کو

شہزاد احمد

۔۔۔۔۔۔

آنکھوں تک آ سکی نہ کبھی آنسوؤں کی لہر 

یہ قافلہ بھی نقل مکانی میں کھو گیا

عباس تابش

۔۔۔۔

محبت میں اک ایسا وقت بھی دل پر گزرتا ہے 

کہ آنسو خشک ہو جاتے ہیں طغیانی نہیں جاتی

جگر مراد آبادی

  

۔۔۔۔۔۔

میں جو رویا ان کی آنکھوں میں بھی آنسو آ گئے 

حسن کی فطرت میں شامل ہے محبت کا مزاج

انور صابری

  

۔۔۔۔۔۔

آ دیکھ کہ میرے آنسوؤں میں 

یہ کس کا جمال آ گیا ہے

ادا جعفری

۔۔۔۔۔۔

  

آسرا دے کے مرے اشک نہ چھین 

یہی لے دے کے بچا ہے مجھ میں

نامعلوم

۔۔۔۔۔

میں نے چاہا تھا کہ اشکوں کا تماشا دیکھوں 

اور آنکھوں کا خزانہ تھا کہ خالی نکلا

ساقی فاروقی

۔۔۔۔

کیا کہوں دیدۂ تر یہ تو مرا چہرہ ہے 

سنگ کٹ جاتے ہیں بارش کی جہاں دھار گرے

شکیب جلالی

۔۔۔۔۔

یہ بے سبب نہیں آئے ہیں آنکھ میں آنسو 

خوشی کا لمحہ کوئی یاد آ گیا ہوگا

اختر سعید خان

  

۔۔۔۔۔۔

اور کچھ تحفہ نہ تھا جو لاتے ہم تیرے نیاز 

ایک دو آنسو تھے آنکھوں میں سو بھر لائیں ہیں ہم

میر حسن

  

۔۔۔۔۔۔۔۔

عارضوں پر یہ ڈھلکتے ہوئے آنسو توبہ 

ہم نے شعلوں پہ مچلتی ہوئی شبنم دیکھی

جوشؔ ملسیانی

۔۔۔۔۔۔

دل بھی اے دردؔ قطرۂ خوں تھا 

آنسوؤں میں کہیں گرا ہوگا

خواجہ میر درد

 

۔۔۔۔۔

کوئی منزل نہیں ملتی تو ٹھہر جاتے ہیں 

اشک آنکھوں میں مسافر کی طرح آتے ہیں

کفیل آزر امروہوی

  

۔۔۔۔۔۔

جب بھی دو آنسو نکل کر رہ گئے 

درد کے عنواں بدل کر رہ گئے

صوفی تبسم

  

۔۔۔۔۔

یاد اشکوں میں بہا دی ہم نے 

آ کہ ہر بات بھلا دی ہم نے

غلام محمد قاصر

  

۔۔۔۔۔۔

میری آنکھوں میں ہیں آنسو تیرے دامن میں بہار 

گل بنا سکتا ہے تو شبنم بنا سکتا ہوں میں

نشور واحدی

  

۔۔۔۔۔۔

گھاس میں جذب ہوئے ہوں گے زمیں کے آنسو 

پاؤں رکھتا ہوں تو ہلکی سی نمی لگتی ہے

سلیم احمد

  

۔۔۔۔۔

ہوتے ہی شام جلنے لگا یاد کا الاؤ 

آنسو سنانے دکھ کی کہانی نکل پڑے

اقبال ساجد

  

۔۔۔۔۔۔

یوں ہی آنکھوں میں آ گئے آنسو 

جائیے آپ کوئی بات نہیں

سلام ؔمچھلی شہری

۔۔۔۔۔

اتنے آنسو تو نہ تھے دیدۂ تر کے آگے 

اب تو پانی ہی بھرا رہتا ہے گھر کے آگے

میر حسن

  

۔۔۔۔۔

کھل کے رونے کی تمنا تھی ہمیں 

ایک دو آنسو نکل کر رہ گئے

صوفی تبسم

۔۔۔۔

وہ پوچھتے ہیں دل مبتلا کا حال اور ہم 

جواب میں فقط آنسو بہائے جاتے ہیں

ہادی مچھلی شہری

  

۔۔۔۔۔۔

روک لے اے ضبط جو آنسو کہ چشم تر میں ہے 

کچھ نہیں بگڑا ابھی تک گھر کی دولت گھر میں ہے

احسن مارہروی

۔۔۔۔۔

یوں تو اشکوں سے بھی ہوتا ہے الم کا اظہار 

ہائے وہ غم جو تبسم سے عیاں ہوتا ہے

مقبول نقش

۔۔۔۔۔

ناصح نے میرا حال جو مجھ سے بیاں کیا 

آنسو ٹپک پڑے مرے بے اختیار آج

داغؔ دہلوی

۔۔۔۔۔۔

یہ آنسو ڈھونڈتا ہے تیرا دامن 

مسافر اپنی منزل جانتا ہے

اسد بھوپالی

  

۔۔۔۔۔۔

آپ کو خون کے آنسو ہی رلانا ہوگا 

حال دل کہنے کو ہم اپنا اگر بیٹھ گئے

زین العابدین خاں عارف

  ۔۔۔۔۔

بقدر ذوق میرے اشک غم کی ترجمانی ہے 

کوئی کہتا ہے موتی ہے کوئی کہتا ہے پانی ہے

فگار اناوی