زخمی ہے جلاد فلک تجھ غمزہ خوں ریز کا

زخمی ہے جلاّدِ فلک تجھ غمزۂ خوں ریز کا
ہے شور دریا میں سدا تجھ زلف عنبر بیز کا
تجھ صاحب نیرنگ کی دیکھے اگر تصویر کوں
دل جا پڑے حیرت منیں نقاّش رنگ آمیز کا
اے عیسوی دم جگ منیں پایا وو عمر جاوداں
جو جگ منیں بسمل ہوا تیری نگاہ تیز کا
تب سوں ہوا ہے دل مرا کان نمک اے با نمک
جب سوں سُنیا ہوں شور میں تجھ حسن شور انگیزکا
یوں شعر تیرا اے ولیؔ مشہور ہے آفاق میں
مشہور ہے جیوں کر سخن اس بلبل تبریز کا

ولی دکنی