سناوے مجکوں گر کئی مہربانی سوں سلام اس کا

سناوے مجکوں گر کُئی مہربانی سوں سلام اُس کا
کہاؤں آخر دم لگ بہ جاں منت غلام اُس کا
اگرچہ حسبِ ظاہر میں ہے فرقت درمیاں لیکن
تصور دل میں میرے جلوہ گر ہے صبح و شام اُس کا
محبت کے مرے دعوے پہ تا ہووے سند مجھ کوں
لکھیا ہوں صفحۂ سینہ پہ خونِ دل سوں نام اُس کا
برنگ لالہ نکلے جام لے کر اس زمیں سے جَم
اگر بخشے تکلم سوں مئے جاں بخش جام اُس کا
کُفَر کوں توڑ دل سوں دل میں رکھ کر نیتِ خالص
ہوا ہے رام بَن حسرت سوں جا لکھمن سو رام اُس کا
ہوئی دیوانگی مجنوں کی یوں میرے جنوں آگے
کہ جیوں ہے حسنِ لیلیٰ بے تکلف پائے نام اُس کا
کرے آزادگی اپنی گرفتاری اُپر قرباں
جو دیکھے یک قدم پھر، سرو گلشن میں خرام اُس کا
زباں تیشے کی کر سمجھے زبان دوجے فصیحاں کی
اگر فرہاد دل جا کر سنے شیریں کلام اُس کا
ولیؔ دیکھا جو اس انکھیاں کے ساقی کن وو جام مے
ہوا ہے بے خبر عالم سوں ہور خواہانِ جام اُس کا
ولی دکنی