جینا مرنا پر اشعار

ہوس کو ہے نشاطِ کار کیا کیا

نہ ہو مرنا تو جینے کا مزا کیا

غالب

۔۔۔

مرنا تو اس جہاں میں کوئی حادثہ نہیں

اس دور ناگوار میں جینا کمال ہے

جون ایلیا

۔۔۔

کون سا زیست میں وہ تلخ مزا ہے کہ نہیں

ایسے جینے سے تو مرنا ہی بھلا ہے کہ نہیں

نظرؔ لکھنوی

‏۔۔۔۔

مرنا تو بہت سہل سی اک بات لگے ہے 

جینا ہی محبت میں کرامات لگے ہے 

کلیم عاجز​

۔۔۔

نشاطِ زندگی منت پذیرِ مرگ ہے یعنی

نہ مرنا ہو تو جینے ہی سے دل بیزار ہو جائے

نظرؔ لکھنوی

۔۔۔۔۔

یہ مصرع کاش نقشِ ہر در و دیوار ہو جائے

جسے جینا ہو مرنے کے لیے تیار ہو جائے

جگر مراد آبادی

۔۔۔۔

کتنا آساں تھا تِرے ہجر میں مرنا جاناں

پھر بھی اک عمر لگی جان سے جاتے جاتے

احمد فراز​

۔۔۔

ترے سلوک کا غم صبح و شام کیا کرتے

ذرا سی بات پہ جینا حرام کیا کرتے

رئیس صدیقی​

۔۔۔

ابتدا وہ تھی کہ جینا تھا محبت میں محال

انتہا یہ ہے کہ اب مرنا بھی مشکل ہو گیا

جگر مراد آبادی​

۔۔۔

محبت میں جینا نئی بات ہے

نہ مرنا بھی مر کر کرامات ہے

سائل دہلوی

۔۔

جی میں ٹھانی ہے کہ جینا ہے بہرحال مجھے

جس کو مرناہے وہ چپ چاپ ہی مرتا جائے

افتخار نسیم