اَج تک پِنڈ دے موڑ نئیں بُھلے

کِکر ، ٹاھلی ، بیری ، نِماں ، پپَل
تُوت تے بَوڑھ نئیں بُھلے
وٹَاں ، بَنے ، نہَر دَا کنڈھا
اَج تک پِنڈ دے موڑ نئیں بُھلے
اِک گَنیَاں دِی رَوہ نئیں بُھلی
لَسیاں دَے اَوہ کول نئیں بُھلے
سَنگھڑیں دُدھ دِی کِھیر نئیں بُھلی
گُڑ دے مٹَھے چَول نئیں بُھلے۔
‏جَھانجھر والے پیر نہیں بُھلے
نَتھلی والے نَک نئیں بُھلے
رُوں توں کُولی ، بانہہ نئیں بُھلی
گندل وَرگے لَک نئیں بُھلے
اِرشاد سندھو