اک در بدر پہ کھل گیا دروازہء درود

اک در بدر پہ کھُل گیا دروازہءِ درود
خوشبو کے ساتھ ساتھ ہے آوازہءِ  درود
اس کو ہرا رکھے گی خزاں بھی خوشی خوشی
ہے غنچہءِ یقین ترو تازہ ءِ  درود
اس کے لیے سمٹ گئے اوراقِ بود و ہست
جس کو نصیب ہو گیا شیرازہ ءِ  درود
اس گُل رُ خی کا راز سمجھتے ہیں اہلِ شوق
چہرے کو آب دینے لگا غازہءِ  درود
ہستی کے ناپ تول سے باہر نکل کبھی
ہوگا ترے وجود کو اندازہ ءِ  درود
حمیدہ شاہین