دھڑکنیں محبت کی دل نشین خاموشی

دھڑکنیں محبت کی ‛ دل نشین خاموشی
مرحبا اے ہنگامو ! ‛ آفرین خاموشی
کج بیاں ٹھکانوں سے ، دور اک خرابے میں
گھر بناکے رہتی ہے ،اک ذہین خاموشی
شام ہے یہ وعدے کی ،عشق کے ارادے کی
اک جواں سا سناٹا، اک حسین خاموشی
سامنے جو آجاوُں ‛ کیفیت حیا کی پھر
ٹانک دے گی پلکوں پر، نازنین خاموشی
ٹوٹ کر جو بکھرونگا ،دیکھ لے گی دنیا پھر
اک مکاں محبت کا ،اور مکین خاموشی
گفتگو تو تجھ سے تھی، روبرو میں خود سے تھا
اک فلک سا ہنگامہ، اک زمین خاموشی
بے وفا خیالوں سے ،زخم کے حوالوں سے
کیا سوال کرتی پھر ،وہ حسین خاموشی
ناظر علیگ