عشق میں جینے کا ممکن نہیں امکاں نکلے

عشق میں جینے کا ممکن نہیں امکاں نکلے 

دل دیا اس کو کہ دیکھے سے جسے جاں نکلے

مجھ کو خود اپنی تباہی پہ بڑا رشک آیا 

وہ میرے حال پہ اس درجہ پشیماں نکلے

 ان سے ملنے کا کسی روز نہ امکاں نکلا 

عمر گزری اسی ارماں میں کہ ارماں نکلے

آپ سے لطف و کرم کی بڑی امیدیں تھیں 

آپ بھی میرے لیے فتنہ ء دوراں نکلے

بے خودی دل کی مجھے لے کے جہاں پہنچی ہے 

کاش منزل وہ میری کوچہء جانان نکلے

بے خودی میں نہ ہوئی ہم کو نصیر خبر

ہوش آیا تو ہمیں جلوہء جانان نکلے

پیر نصیر الدین نصیر گیلانی