جواب دیون دی تھاں تے اگوں سوال کر کے
جواب دیون دی تھاں تے اگوں سوال کر کے
اوہ اپنے ولوں وکھا ریہا سی کمال کر کے
اوہ حال نیں کہ گلی چ کتا نہ نظر آوندا
حرام شے جے حلال ہندی حلال کر کے
ایہہ زندگی نوں پتہ اے سارا , تونہہ زندگی ایں
میں جی ریہا واں تے صرف تیرا خیال کر کے
بھرا وی ہندا سی اج بن کے شریک آیائے
تے ایہنے جانائے ساڈے ککڑ نوں دال کر کے
کلیم تلیاں چ سیک ایویں تے آ نیئں جاندا
کوئی تے ویہندا اے تینوں اکھاں نوں لال کر کے
تجمل کلیم
Comments
Post a Comment