گڈیاں گڈے پیار پٹولھے

گُڈیاں گُڈے پیار پٹولھے
لُک ای گئے نیں یار پٹولھے
کڈھ بہندی اے بے بے اج وی
لاڈو دے دو چار پٹولھے
دس پیندے نیں جد کدی وی
اکھاں دیندے ٹھار پٹولھے
مِلنا چھڈ کے تکیا وی نہ
مُڑ کے جاندی وار پٹولھے
بچیاں تے کیہ پگاں بچیاں
کرکے تارو تار پٹولھے
روندے پِھردے اِک دوجے نوں
آر پٹولھے پار پٹولھے
چھڈ کے ٹُر گئے دیس بیگانے
کِنج ڈاراں دے ڈار پٹولھے
رُل جاندے نیں جگ تے سندھو
جو بہندے نیں ہار پٹولھے
ارشاد سندھو